canavaro عضو برونزى
عدد الرسائل : 184 الدولة : تاريخ التسجيل : 07/03/2008
| موضوع: خروجة جامدة اوي... الإثنين مارس 10, 2008 7:59 pm | |
| السلام عليكم ورحمة الله وبركاته اعذروني المرة دي لاني ممكن اتكلم في موضوع مش كل الشباب طبعا هيوافقوني فيه بس انا مش هجمع اكيد هكلم على الشباب المستهتر بس اللي يقضي يومه وخلاص مش مهم بقى ازاي اهو يوم ويعدي زي غيره يعني مثلا بعد سنة دراسية 8 شهور وطووووووول السنة بطيخ ميعرفوش حاجة في اي حاجة اخر شهر بس هو اللي مذاكرة وخش على الامتحانات ويوم الامتحان يهان المرء او يهان(عند الشباب دول يعني ) ويجي الصيف والاجازة والحرية (قال يعني هما طول السنة شغالين طحن) ويكون في فراغ مش عارفين يعملوا ايه النوم طول النهار والسهر طول الليلويبقى في عربدة والعربدة تحلى مع الشلة طبعا وعايزين يخروجوا بقى والتليفون يرن عند حد من صحبنا دول _ويرد وهو لسه صاحي من النوم الوووووو ......مين -انت صحيت يابني -يرد صحبنا ده عايز ايه ياسي زفت؟ بتصحيني ليه؟ -صحي الموت ياخويا......قوم ياعم الجثة انت الساعة داخلة على 4 -ايه 4؟؟ 4 الفجر؟ -لا طبعا العصر يانانوس عين مامته....هو احنا بنصحى قبل كده ياخفيف -العصر وبتصحيني ياجزمةو من غير رباط ...والله لما اشوفك اقفل بدل ما أصب عليك اللعناتوسيبني انام الساعة 4 اقفل يالا -بس اسمع بس عايز اقولك حاجة دانا محضرلك بروجرام للخروج انما ايه ميخرش الميه -ميخرش الميه قول ياعم الطشط شوف ياسيدي اولا هنطلع على حته كافيه في المعادي لسه فاتح جديد بس ايه طحن فحت رزع ضرب هو المينيمام 55جندي(55جنية يعني )انا عارف انه غالي شوية بس اييييييه مش هتصدق عندهم شيشه بكل انواع الفاكهة الصيفية والشتوية والربيعية والخريفية والدقهلية وشك في الحيط وقفاك ليا -ايوة بس ده مبلغ وقدره ...هنجيبه منين ياسبع البرومبة -متخااااااافش عااااااامل حسابيمنا هكلم الواد تامر الفنجري بق ده الغني اللي خرج معانا المرة اللي فاتت ونبرشط عالواد.....مش بقولك بروجرام ميخرش الميه...نيااااهاهاها....نيااااااهاهاها -خلاص ياعم العفريت خرمتلي ودني بالضحة الحمارة بتاعتك ..دي طيب مين تاني هيجي -استنى بس اكملك البروجرام_هنطلع من الكافيه على الساعة 12 كده هنطلع طبعا مش شايفين قدامنا والدخان طالع من ودانا متخاااااافش عااااااامل حسابي انا بقى عارف الجو دهطالبة معاه ايه احدث افلام الولا سعد الصغنن"لخمة راس" فيلم هايل هندخله حفلة ميدنايت -طب والاكل ياعم البروجرااااام -متخااااااااااافش والله عااااامل حسابي هنطلع من الفيلم جاعنين طبعا وفي مننا اللي رجع في الكافية واللي رجع في السينمابس احنا طالعين من لخمة راس يبقى لازم نديها لحمة راس هنطلع على عم عبده تلوث ندب الاكله التماااااااام مش بقولك عامل حسابي ....نيااااااااااها... -خلاص خلاص طب وبعد ما ناكل ونرجع اللي كالناه هنعمل ايه يافكيك عيب ياشقيق عيب يامان عيب ياكوتش عيب ياكوبلن ....دي تفوتني برده هنعمل الحاجة اللي لا تخلو منها خروجة شبابية تكون تماموووووووووز(زي بتاعتهم يعني) هنطلع على اي موووووول نتلطع قدام البوابة نعاكس في مخاليق ربنا ويمكن ربنا يكرمنا ونختم اليوم (اللظيظ )ده بخناقة -طيب كلم باقيت الاوغادبقى وقلهم يبقوا يجيبوا بطايقهم معاهم علشان احتمال نبات في الاسم الليلة دي -اكلم مين يامنيل انت العيال مترصصة على القهوة مستنين اما اصحيك يالا قوم يامدهول على عينك -طيب بقولك ايه عايز اسألك على حاجة من اول المكالمة هو مين معايا؟ -ايه الخفة دي ؟انحنا هنهزر ولا ايه ؟انا عمك وتاج راسك -عمي ايه انا ابويا مالوش اخوات ولاد -انت هتقوم ولا اجيلك البيت اقرفك في عشتك -لالالا متجيش انت عارف امي مش بطيق تسمع سيرتك -منا عارف ماهو امي انا كمان مش مبطيقش تسمع سيرتي المهم خلص بقى وانجز ..سلالم ....سلاحف (وخلصت المكالمة)
وكل يوم على كده لحد ما الاجازة تخلص والدراسة تدخل......والبطيخ يشتغل تاني وتيجي الاجازة اللي وراها وهلوما جرجر بروجرام تاني وتالت(ياعيني بيتعبوا والله) ولا حياة لمن تنادي اكيد باين ان دي مكالمة تليفون بين اتنين صحاب جامدين اوي مش شايلين هم حاجة (الحقيقة دي مش فكرتي انا شوفتها في حاجة تانية قولت اجربها) المهم بقى _اعتقد ان بعض الشباب بيمر ولا يزال يمر بتلك التجارب في اعتقادي ان اهم ما في الحكاية الساخرة دي اللي هى مش من وحى خيالي يعني هو الفراغ القاتل لدى الشباب في اوقات الاجازة الدراسية واوقات الدراسة كمان السؤال بقى هو ان ازاي اصحاب الوعي يقدروا يتواصلوا مع هذا النوع من الشباب اللي هو باين اوي في مجتمعنا؟ وازاي يملوا اوقات فراغهم بقرأة بقى بشغل بأي انتماء منهم لاى حاجة يحبوها اكيد هتكون مفيدة ليهم انا برده مقدرش انكر ان في شباب كويسين جدا زي ما بنقول كده شباب مجتهد مش بيضيع وقت في اي حاجة تافهة ناس همها انها تستفيد بوقتها على اكمل وجه اما صحابنا التانين بنشوفهم كتير في الجامعه والشارع وغيره معلش طولت عليكوا اوي
| |
|
admin admin
عدد الرسائل : 741 الدولة : تاريخ التسجيل : 12/11/2007
| موضوع: رد: خروجة جامدة اوي... الإثنين مارس 10, 2008 8:04 pm | |
| | |
|
الخواجة عضو ذهبى
عدد الرسائل : 345 العمر : 40 الموقع : cooool.tk العمل/الترفيه : كوووول الدولة : تاريخ التسجيل : 07/03/2008
| موضوع: رد: خروجة جامدة اوي... الإثنين مارس 10, 2008 8:17 pm | |
| كلامك صح الصح بس ناس كتير ممكن تفهمة غلط | |
|
omarkarram عضو ذهبى
عدد الرسائل : 809 العمر : 31 الدولة : تاريخ التسجيل : 09/02/2008
| موضوع: رد: خروجة جامدة اوي... الخميس أبريل 10, 2008 5:34 pm | |
| | |
|
النصر لنا عضو مشارك
عدد الرسائل : 24 الدولة : تاريخ التسجيل : 06/04/2008
| موضوع: رد: خروجة جامدة اوي... الأحد أبريل 13, 2008 2:27 pm | |
| الله يعطيك العافيه على هذا الموضوع | |
|